Á morgun, laugardaginn 30. ágúst, kl. 16, fer fram úrslitaleikur Bikarkeppni KSÍ, Borgunarbikarsins, á Laugardalsvelli. Stjörnukonur mæta þar öflugu liði Selfyssinga í leik sem án vafa verður spennandi til síðustu mínútu. Fyrir liggur að Selfyssingar munu fjölmenna og fullyrða þeir að a.m.k. tvö þúsund manns muni koma af suðurlandinu. Það er því mikilvægara nú en oftast áður að Stjörnufólk fjölmenni og styðji sitt lið til sigurs. Stjarnan vann bikarinn árið 2012 en þurfti að skila honum árið 2013. Síðan hefur verið andstyggilegt tómarúm í bikaraskáp félgsins. Við það verður ekki unað lengur.
Upphitun fyrir leikinn hefst kl. 14 á Stjörnutorgi, þar sem kynnt verður upp í Stjörnugrillinu og andlit þeirra sem vilja máluð í litum félagsins. Rútuferðir verða af Stjörnutorgi á leikinn. Á torginu verður mögulegt að vinna miða á leikinn sem einnig felur í sér aðgang að VIP herbergi Silfurskeiðarinnar þar sem boðið verður upp á veitingar fyrir leik og í hálfleik.
Sýnum nú stuðning okkar í verki og hvetjum Stjörnukonur til sigurs í stærsta leik ársins í kvennaknattspyrnunni!
STJARNAN - 4.flokkur kvenna 